ROSALÍA NA BIBLIOTECA

Tamén a  música acompaña esta exposición realizada polo alumnado de bacharelato e mais 1º ESO C.

CONCURSO MARCAPÁXINAS

No primeiro Concurso de Marcapáxinas convocado pola biblioteca do noso centro resultou gañadora a alumna Carla Yunta Ferreira, de 2º. ESO B.

A inicios do vindeiro curso a biblioteca "Agustín Fernández Paz" distribuirá copias deste  marcador e entregaráselle a Carla un diploma.

O acto terá lugar con motivo do Día das Bibliotecas, 24 de outubro.

FEIRA DA CIENCIA E DA TECNOLOXÍA

Vense de celebrar a Feira da Ciencia e da Tecnoloxía na nosa biblioteca,  unha exposición de traballos realizados polo alumnado das materias de tecnoloxía e matemáticas.

 

MALETA DE POESÍA

Hai máis dunha semana que a Biblioteca acolle unha exposición de libros de poesía emprestados polo CFR de Vigo. Ata o día 19 de marzo teremos posibilidade de compartir versos a eito.

MALETA VIAXEIRA DE CÓMIC

Ata o 6 de febreiro podedes disfrutar dos libros de banda deseñada expostos na Biblioteca. Son préstamo de Bibliotecas Escolares chegados na maleta viaxeira.

CEN MULLERES GALEGAS Exposición e concurso

  Nas escaleiras que levan ao primeiro andar  do noso Instituto hai estes días unha ampla exposición sobre cen mulleres galegas.

  Podedes participar no concurso organizado a tal efecto e depositar na caixa do mostrador da Biblioteca as cuestións respondidas.

  Para que o fagades con máis detemento deixámosvos neste  enlace co departamento de normalización lingüística  toda a información. ÁNIMO!